ဝါသနာကို ဖျက်လို့မရတော့ … ဒီလိုပဲ … Blog တွေထိုင်ရေးနေရဆဲပေါ့ …
နေ့တိုင်း နေ့တိုင်း Online ပေါ်တက်ပြီး … အင်တာနက်သုံးနေရတော့လဲ …
ဆိုင်မှာ Member သွင်းထားတာတောင် … အိတ်ကပ်ထဲက ပိုက်ဆံက ခဏခဏထွက်နေတယ်လို့ ခံစားရတယ် …
ဒါပေမယ့် မမှုပါဘူုး … ဗီဇပေကိုး …
ခေါင်းကြည်မှ … လန်းဆန်းမှ စာကောင်းကောင်း ရေးနိုင်တယ်ဆိုပြီး … ညဘက်ဆို ကြက်ဥနဲ့ နွားနို့တွေ တုပ်ရင်းနဲ့ …
မအိပ်ချင်ပဲ ပြူးနေတဲ့ ဒီမျက်လုံးက … ဇီးကွက်မြင်ရင်တောင် … ငါ့အမျိုးလားလို့ ၀င်နှုတ်ဆက်နိုင်တယ် …
ဘာဖြစ်လဲ … ပြန်နှုတ်ဆက်လိုက်မှာပေါ့ … ဟိဟိ …
တကယ်ပါ … ဒီလောက်ပူအိုက်တဲ့ ရာသီကြီးမှာ … လေးဘက်လေးရံ အလုံပိတ်ထားတဲ့ Keen ရဲ့အခန်းက …
ပန်ကာသာမရှိရင် … ငရဲပြည်ကချွေးထုတ်ခန်းလိုပဲလေ …
မနက်ဆိုရင် … ပေါင်းပြီးသား ထွက်လာမှာ … သေချာတယ် …
ဒါနဲ့မဖြစ်ပါဘူးဆိုပြီး … ရှိသမျှတံခါးတွေဖွင့် … အပြင်ဘက်မှာပဲ ထိုင်ပြီး စာရေးတော့တယ် …
ဘေးနားက စာအုပ်ပုံကြီးကို လှန်လှော … ကောင်းနိုးရာရာလေးတွေ ကူးချ … အဲ … ထုတ်နုတ် …
ကိုယ်ပိုင် Idea နဲ့ ပြန်ပေါင်းစပ်ရေးရတာပေါ့ …
တခါတလေ ပြောချင်တာက … ငါးကြောင်းထဲ …
စိတ်ဝင်စားအောင် … ဟာသလေးတွေ … ရယ်စရာလေးတွေ ပြောရတာက တပိုးတနင့်လေ …
တခါတလေ … ဓာတ်ပုံတပုံထဲ ကြည့်ပြီး … Blog တခုဖြစ်အောင်ရေးရတာ …
တကယ်ပြောရရင် Blog ရေးရတာ မလွယ်ပါဘူးဗျာ …
ညည်းနေလို့တော့ ဘာမှဖြစ်မလာဘူးလေ …
တခုခုရေးနေမှ စာဖြစ်လာမှာပေါ့ … ( မှန်လိုက်တာ )
ဒီလိုနဲ့ … ဒါရေးရင်ကောင်းမလား … ဟိုဟာရေးရင်ကောင်းမလား …
ဟိုဒင်းဆိုရင်ကော … ဒါကြီးဆိုရင်ကော ?
ဟိုလိုလုပ်ရမလား … ဒီလိုလုပ်ရမလားနဲ့ … လုပ်နေရင်း …
ခေါင်းပေါ်က မီးချောင်းက မှိန်မှိန်လာတယ် …
အော် … ၈လ အာမခံ ဘက်ထရီလဲ …
၈ရက်နဲ့ … ဆန္နပြ ပြီ ထင်ပါရဲ့ကွယ် …
ကဲပါ … ဂရုစိုက်မနေတော့ပါဘူး …
ရှိတဲ့ မီးရောင် နဲ့ ရေးမှာပေါ့ …
ဒီလိုနဲ့ … Idea ကောင်းကောင်း … ပရိသတ်တို့လဲ စိတ်ဝင်စားမယ့် Blog လေးတခု ဖန်တီးဖို့ စဉ်းစားမိလာတယ် …
ဒီထဲမှာ ရယ်စရာလေးတွေ ထည့်မယ် … စိတ်ဝင်စားအောင်လဲ လုပ်မယ်ပေါ့နော် …
ကြည်နူးစိတ်နဲ့ ပီတိတွေဖြာပြီး … ဘောလ်ပင်နဲ့စာရွက်ကို ထိမိတယ်ပဲ ကြံရသေးတယ် … ဘာဖြစ်သွားတယ်ထင်လဲ …
မီးပျက်သွားပါတယ် …
တယ်ကောင်းတဲ့ ဘက်ထရီနော် … နက်ဖြန် ကုလားကိုရောင်းစားရမယ် …
ဒါပဲနော် … ကုလားက စိတ်ကြီးတယ် … အာ … ငါပါရောပြီး ကုလားဖြစ်နေပြီ …
ကဲ … မထူးတော့ပါဘူးလေ … အခုမှောင်နေတဲ့ ကိစ္စအရင်ရှင်းတာပေါ့ဆိုပြီး … မှောင်ထဲမှာ စမ်းတ၀ါးဝါးနဲ့အထ …
ဘေးက ထိုင်ခုံကို တိုက်မိပြီး … ရေပုလင်းတွေမှောက်ကျကုန်တယ် …
ခွမ်းးးးးးးးး ဂျလွမ်းးးးးးးးးးးးးးးး ( ရေခွက်ကွဲသံပါ )
အ်ိမ်က အိပ်နေတဲ့ … အမေအဖေတွေလဲ … ဘာလဲ … ဘာဖြစ်တာလဲ ဆိုပြီး လန့်နိုးလာကြရော …
အဖြစ်မှန်ကိုလဲသိသွားကြရော … ဂရုဏာသက်သွားပြီး … အားပေးစကားလေး တခွန်းပြောသွားတယ် …
သား … အိပ်တော့ တဲ့ …
ကောင်းရောဗျာ …
ဒါပေမယ့် … ဘယ်ရမလဲ … blogger လေ … အရာရာထက် Blog က နံပါတ်တစ် …
အရာရာထက် သူ့ကို ပိုမြတ်နိုးတယ် … သူ့ကိုပိုတန်ဖိုးထားရမှာပေါ့ …
ဒီလိုအတွေးနဲ့ စာအုပ်တွေကိုဖက်ပြီး အိပ်သွားတယ် … ဘယ်လောက်ချစ်လဲပြော … :P
ZzZZzzzzZzzzz ~~~
-------------------------------------------------------
အားးးးးးးးးးးးးးးးးးးးးးးးးးးးးးးးး ( အလန့်တကြားအော်သံပါ )
မနက်တောင်ရောက်သွားပြီ … ဘာမှလဲမရေးဖြစ်တော့ပါလား …
စိတ်ညစ်တယ် … စိတ်ညစ်တယ် … စိတ်ညစ်တယ် …
ဒီနေ့ ဒါဆို ဘာ Blog ကို တင်ရတော့မှာလဲလို့ …
မေး ကိုထောက်ပြီး … ဟိုတွေးဒီတွေးနဲ့ ခြေမှိုင်လက်မှိုင်မျောက်မှိုင်ချနေမိတယ် …
ဒီလို မျောက်မှိုင်ချနေရာကနေ … မျောက်အုန်းသီးရတဲ့ မျက်နှာပြောင်းသွားပြီး …
မျောက်ထိုင်ထိုင်ကာ အော်လိုက်မိတယ် …
ဘာရေးရမလဲ ငါသိပြီကွ တဲ့
ပြီးတော့ … စာအုပ်ပေါ်မှာ ခေါင်းစဉ်လေးတပ်လိုက်တယ် …
ခေါင်းစဉ်လေးက …
ဘလော့ခ် ရေးရတဲ့ဒုက္ခ တဲ့လေ …
ပျော်ရွင်နိုင်ကြပါစေ …
Keen
No comments:
Post a Comment