ပညာရေးနှင့်ပတ်သက်၍ ဆွေးနွေးသုံးသပ်ခြင်း …
လူတယောက်ကို တော်တဲ့ တတ်တဲ့ သူဖြစ်စေချင်တဲ့ အခါ … ဘာလုပ်တာ အကောင်းဆုံးဖြစ်မလဲ ?
“ဒီလူဟာ … လူငယ်ဆိုရင်တော့ ကျောင်းနေပေါ့ဗျာ …”
ဟုတ်ပါတယ် … အများစုကတော့ … ကျောင်းနေရင် ပညာတတ်မယ် … လိမ္မာယဉ်ကျေးကြမယ်လို့ယူဆကြပါတယ် …
ဒါပေမယ့် … ကျောင်းတက်ခြင်းတခုနဲ့ လုံလောက်သွားပါပြီတဲ့လား …
မလုံလောက်သေးပါဘူး …
ကျောင်းတက်မယ်ဆိုရင်လဲ … ကျောင်းက သင်မယ့် စာတွေကို လက်တွေ့နဲ့ တွဲသင့်ပါတယ် …
အပြန်အလှန်မေးခွန်း ထုတ်ပြီး … ဆွေးနွေးတိုင်ပင်တတ်တဲ့ အကျင့် ကို အလေးပေးသင့်ပါတယ် …
စာတွေ့သက်သက်သာဖြစ်ရင်တော့ … ပညာတတ်သင့်သလောက် တတ်နိုင်မှာ မဟုတ်ပါဘူး …
ဆော့ခရတ္တိ ( Socrates ) က ပညာရေးနဲ့ ပတ်သက်ပြီးပြောခဲ့သလိုပေါ့ …
I cannot teach anybody anything …
I can only make them think!
ကျွန်တော် ဘယ်သူ့ကိုမျှ ဘာကိုမှ မသင်ပေးနိုင်ပါဘူး …
ကျွန်တော် သူတို့ကို စဉ်းစားတတ်အောင်ပဲ လုပ်ပေးနိုင်ပါတယ် …
Socrates ပြောခဲ့တဲ့ စကားတွေဟာ … ပညာသင်တွေကို ကိုယ်တိုင်စဉ်းစားတတ်တဲ့ အကျင့်ရှိဖို့ …
တွေးတတ်တဲ့ အလေ့အထ ရှိဖို့ရည်ညွှန်းနေတယ်လို့ ယူဆလို့ ရပါတယ် …
အခုလက်ရှိ ပညာရေး စနစ်ကြီး မှာ … များသောအားဖြင့် … ပြုလုပ်လေ့ပြုလုပ်ထရှိတဲ့ အလေ့အထက …
ကျက်မှတ်ခြင်း တခုထဲပဲ ဖြစ်နေတတ်ပါတယ် …
ရေးတယ် … ကျက်တယ် … မှတ်တယ် … ပြီးတော့ စာမေးပွဲ သွားဖြေတယ် …
ဒါပေမယ့် … ဒီလိုကျက်မှတ်တတ်ရုံနဲ့ ပြီးသွားရောလား … မပြီးသွားပါဘူး …
ကိုယ်ကျက်မှတ်ထားသမျှကို ချရေးပြီး … စာမေးပွဲအောင်သွားခဲ့ရင်တောင် …
စဉ်းစားတတ်တဲ့ စိတ်သာ မရှိခဲ့ရင် … တတ်မြောက်သွားတယ်ဆိုတဲ့ ပညာရေးဟာ …
မပြည့်စုံပါဘူး … အလကားဖြစ်နေပါလိမ့်မယ် …
သင်ကြားခြင်းဆိုတာ သင်ယူခြင်းရှိမှဖြစ်လာတာပါ …
ဆရာက အတန်းထဲမှာ ဘယ်လိုပဲသင်သင် …
သူ့ရဲ့ ကျောင်းသားတွေဘက်က … တစုံတခု ထူးထူးခြားခြား ရသွားခြင်းမရှိခဲ့ရင် …
ဒါကို သင်ကြားပို့ချနေတယ်လို့ခေါ်လို့မရပါဘူး …
ကျောင်းသားဘက်ကလဲ ယူတတ်မှ …
ဆရာကလဲ ပေးတတ်မှ … သင်ကြားခြင်း အစစ်အမှန်ဖြစ်လာနိုင်ပါလိမ့်မယ် …
No comments:
Post a Comment